कुणिकोणुर येथे प्रधानमंत्री गरीब रेशन योजना मोफत धान्य वाटप व ग्रामपंचायतमार्फत सॅनिटायझरचे मोफत वाटप ..
जत तालुक्यातील कुणिकोणुर येथे कोरोनाव्हायरसमुळे त्रस्त झालेल्या गरीब कुटुंबीयांना प्रधानमंत्री गरीब योजना व मोफत रेशनधान्य वाटप करण्यात आले. कुणिकोणुर येथे ग्रामपंचायत मार्फत सॅनिटायझर व अंत्योदय लाभार्थी व प्रधानमंत्री गरीब योजना या योजनेतून प्रत्येक व्यक्ती व कुटुंबियांना पाच किलो गहू व तांदूळ वाटप करण्यात आले .यावेळी कुणिकोणुर गावचे लोकनियुक्त सरपंच लक्ष्मण पाटील म्हणाले की, सामाजिक भावनेतून गोरगरीब कुटुंबाला केंद्र व राज्य सरकारने स्वस्त धान्य दुकानातून मोफत धान्य उपलब्ध करून दिले आहे याचा लाभ कुणिकोणुर ग्रामस्थांनी घ्यावा .घरी थांबून कोरोना या महाभयानक व्हायरसपासून आपला बचाव व्हावे यासाठी सर्व ग्रामस्थांनी साथ देणे गरजेचे आहे असे मत कुणिकोणुर गावचे सरपंच व उपसरपंच यांनी व्यक्त केले. यावेळी सरपंच लक्ष्मण पाटील ,उपसरपंच शशिकांत चव्हाण, आशा वर्कर, पोलीस पाटील तानाजी पाटील , स्वस्त धान्य दुकानदार शरद चव्हाण व जत दर्शन प्रतिनिधी संजय कांबळे सह कुणिकोणुर मधील ग्रामस्थ सोशल डिस्टन्स राखून उपस्थित होते.
